Wanci Sareupna

Wanci Sareupna

Layung beureum luhur gunung
Sarangenge amitan mungkur

Silahkan Baca juga:

• HORMATI IBU
• PESONA WIJAYA
• LARA HATI

Advertisement

Nyumput tukangen halimun
Tunduk dina galur  waktu

Ti subuh nepi ka surup
Eureun rame  ngadago simpe
Tongeret  ngajenger  ngadadak rehe
Manuk piit balik nyayang
Manuk tuew mimiti datang

Dangdaunan ngagupayan
Buruan lenglang kari ledugna
Tapak barudak  arulin jeung baturna
Balik ka imah bari lugina
Mawa carita ka indung bapana
kumpul ngariung ngalingkung sarung

Tutup panto tutup jandela
Sabab peuting  rek tumiba
Nyawang beurang  makalangan
Lalangse  tinggal  sawangan
Miang hamo mulang deui
Sabab umur manjing sareupna

Asep Saefulmillah

*Pengawas Sekolah, Kemenag Kab. Tasikmalaya
Email: asep_saepulmillah40@yahoo.com.